Camp 2025 a Side, Terchia

Suenter ina liunga sera da cumpignia ei la participaziun dil solver stada magra. Sulettamein sis persunas (inkl. Dami) han pudiu star si ad uras e magliar la pli impurtonta tschavera dil gi. Schia ei la marveglia stada gronda con biars che seigien ord letg sil trenament. Mo quels che pon beiber, pon era luvrar/trenar ! Quei schevan gia noss babuns….

Schia ei l’equipa cumpletta semessa sin via enviers ils plaz da ballapei. Tgi cun mal il tgau, auters cun mal il venter, certs aunc stuorns aber tuts cun buna luna. Schizun sogn Pieder ha manegiau bein cun nus ed ha procurau per sulegl ed emperneivlas temperaturas da 16°C. Il trenament ha entschiet lamaschi ei denton sesviluppaus positiv. Igl engaschi era cheu duront igl exercezi da siet. Joris ha schau dar el tgau in trenament adattau allas circumstanzas dall’equipa. Il maletg dall’equipa era gagls. Tuts ein vegni cu’l tricot dalla « MysteryBox » che nus havein retschiet duront la sera d’equipa. Quei ei adina in dils highlights el camp da trenament. Cheu aunc in grond dieus paghi a « BLINDBOX » e Joris ed a Giova per sponsorar.

Il suentermiezdi ei il training staus pli lucs. L’equipa ei vegnida partgida en duas gruppas, la veglia garda encunter ils giuvens … e Damian. Nus havein semesirau en differentas occurenzas ed havein gudiu il davos trenament.

Anavos el hotel ein certs i a far bogn ed auters han gudiu la sera da cuminonza e cun dar cartas. Ussa sesemtgein da turnar anavos ella patria.

Joel & Mauro

Il vendergis ei stau in gi cun in program ualti pulpiu, era sche nus vein giu mo in trenament. Il gi ha entschiet cugl usitau solver communabel. Cunquei che la sera avon ei buc stada aschi liunga, han tuts pudiu ad uras ord las plemas. Silsuenter essan nus serendi tiel plaz da ballapei. Tier quei trenament havein nus mess peisa sin sittar sil gol. Quei era urgentamein necessari. D´ina vart pils giugadurs a miez e pils attaccaders (nus lein gie far gols😅☺️) denton da l’autra vart era per nies goli, il qual ha buc giu sempel sin quei terren schetg e dir. Il trenament havein nus terminau cun ina seria da spurts. Quels ei vegni combinai cun in special memory. Sillas cartas ha ei denton buca si animals ni caussas sco tier in usitau memory, mobein fotografias dils giugadurs duront ils giugs da ballapei. Nus havein fatg duas equipas e quella che ha anlflau il pli spert tut ils dubels ha gudignau. Cunquei ch’ei veva relativ bia cartas e negin che pudeva trer tons spurts ha quei giug cuzzau pli ditg che previu 😂 Dil reminent: sche zatgi havess interess dad in memory schi rar, ni eventualmein il schigientamauns cun la fotografia d’equipa (mira fotografia ella contribuziun dils 19.03.2025), vegnin nus a ponderar dad arver in “fan shop”😉 

Il vendergis suentermiezgi havein nus astgau far ina pausa (ha il trenader tgi sa giu cumpassiun cun nus?). Suenter gentar havein nus reservau per treis uras las duas pistas da bowling dil hotel. Ils resultats ein stai fetg differents. Ferton ch’ils ins han anflau ora dètg spert la tecnica, han auters giu da cumbatter cullas ruclas da bowling. Nauschas lieungas pretendan che las pistas eran buc ulivadas e buc unschidas sco s’auda. Fun fact: pli ditg ch’il giug mava, pli bia gervosa intus, e pli pauc strikes vegnevan fatgs. Casualitad? 😉 

Las treis uras bowling ein vargadas fetg spert. La sera suenter tscheina havein nus giu nossa sera d’equipa, la quala ei vegnida organisada da Adam, Ian e Mirco. In cordial engraziament ad els per l‘organisaziun da tala sera e per la lavur prestada. Suenter entgins incaps tecnics eis ei lu bein spert iu liber. Igl ei stau ina sera fetg varionta e legra, cun differents giugs, videos e divertiment. Las gervosas han era buca muncau 🍺😉 Il punct culminont ei segiramein staus la premiera dil video dil camp 2024 a Belek(il video vegn mess online ton pli spert), sco era la presentaziun dallas monduras ord las „MyteryBox“. Tier tala presentaziun han ils presents mussau lur „skills“ e  tut il charme pusseivel. Quella presentaziun san ins segir e franc buca cumparegliar cun la passarella tier Heidi Klum, igl ei denton tuttina stau fetg divertent e biars han meritau in applaus. Per part ein las monduas fetg exotas e dètg bialas. Ina sera gartegiada en tut ils graus!

Silsunter ein ils ins lu bein prest i en combra a durmir, auters han aunc scha gustar ina ni l’autra gervosa e passentau il temps ella lobby dil hotel ni era ella disco. Ei vegn scuttinau che certins hagien buca giu fin e misericordia e seigien i a letg cu auters seigien levai per ir a solver. Forsa ei quei è praulas. Quei vegnin nus denton mai ad eruir…

Jan, Giovanni

Cun ina equipa buc cumpleina vein nus entschiet il secund gi dil camp da trenament. Cunquei che dus dalla equipa han festivau empau memia fetg e ditg la notg vargada han els durmiu giu il solver. Silsuenter essan nus semess cul bus sin via viers il plaz da bal. Malgrad il ferm vent vein nus trenau nossa cundiziun, da dar pass e vein dau in dus intensivs giugs sil plaz pign. Per spargnar nossas forzas pil giug amicabel dil suentermiezgi, vein nus trenau mo in‘ura, persuenter plein motivaziun ed efficient.

Il gentar ei magliaus, il cupid ei fatgs ed uss vai per la ligiongia. Pil suentermiezgi vein nus saviu organisar in giug amicabel cun ina equipa dalla Svizra, numnadamein dil cantun Friburg. Nus vein fatg giu da dar duas gadas 30 minutas. Cunquei che nus essan deplorablamein mo 10 giugadurs ha Joris era stuiu crer vidlunder da giugar cun nus. Il giug ei staus ualti intensivs ed ils adversaris han teniu petg ualti bein, malgrad ch’els ein buc pli ils pli giuvens. L’emprema mesadad ei stada ualti uliva nua che omisduas equipas ein vegnidas tier entginas schanzas. La secunda mesadad vein nus lu nezegiau ora nossa cundiziun chei stada intec megliera che quella da tschels e sittau treis gols.  Cun in 3:0 vein nus serrau giu quei giug e festivau aschia nossa emprema e speronza buc davosa victoria da quella sesiun.

Plein luschezia gudin nus ina, duas gervosas ed schein ir a fin la sera per esser fits per ils proxims trenaments.

Ina biala sera

Martin, Adam e Rodrigo

Noch emana afangs lustiga Obig, mit da ersta Rundena Jass, simmer ufs mol ufem Trochana gsieh. Bier häts nur no zögerlich geh und ufs mol häts kostet… Dia ersta Problem am ersta Obig. So simmer bi Ziita ins Bett koh, hät jo au sini Vorteil.

En windiga, düstera Morga hät üs erwartet. Nichts desto trotz simmer hoch motiviert an üses Training ganga. Entlich wider mol Fuessballschuha ahzücha, wider mol richtig de Ball an da Füess spüra. Starka Wind und immer stärker werdenda Rega hätts Training immer schwieriger gmacht. Aber alli hänt sich trotz da widriga Bedingiga müah geh und ds Besta geh.

No vorem z’Mittag hätts a Erkundigungstour gäh. Wo simmer überhaupt, was kömmer macha und wo isch den ds Meer? Gfunda hämmer alles.

D Befürchtig isch do gsieh, dass üs au ds Wetter am Nomittag in Stich loht. Usem Hotel und de starki Wind hät üs wiiter begleitet, au d’Berga in da Ferni hänt düster us gseh. Doch mier sind verschont worda, es hät ghebt, nass sind nur die worda wo au gschwitzt hänt, zu mindist bim Training. Noch em Training im Spa, in da Sauna, im Hamam und/oder im Indoorpool, isch den au da letscht nomol nass worda hüt.

Jetzt in da Lobby gits no vor em z’Nacht es klisses Aperitif und denn gsehemer witer…

Hitsch und Alex

La damaun allas 8:30 havein priu las rodas sut il tapun ed essan carrai cul bus dalla firma Gartmann encunter Basilea. Cun cuortas fermadas a Glion, Tumein e Cuera havein rimnau tut ils giugadurs. 13 persunas en in car cun 30 plazs da seser ei in dètg luxus. Empustau vevan in bus pign, denton lez era buc disponibels, aschia che la firma Gartmann ha transportau nus senza cuosts supplementars cul bus grond.

Arrivai sil plaz d'aviatica ha ei giu num da dar si las valischas e lu spitgar sigl aviun. Il plaz d'aviatica a Basilea ei fetg surveseivels ed aschia eisi era nuncumplicau d'anflar tut. Mo cul café ha ei buc vuliu funcziunar. La suletta ustria ha giu la maschina da café ord funcziun, aschia che nus vein stuiu spitgar entochen egl aviun sin ina scadiola café. 

Duront il sgol da Basilea ad Antalya havein fatg enconuschientscha cun ina squadra da veterans e seniors, en tut 30 umens els megliers onns (Ü35) ch'ein era el medem hotel sco nus a Side. Il sgol ha cuzzau 3 uras.

Ad Antalya essan nus vegni transportai a Side, in liug turistic a Belek e datier dalla mar. Nus vein cheu stuiu midar nossas uras cunquei che quella regiun ei duas uras anavon al temps en Svizra.

Gl'emprem havein nus astgau guder ina flotta tscheina e silsuenter retrer las combras. Tuts han anflau in igniv, aschia che nus savein ussa guder ina ni duas gervosas e suenter secapescha ir a letg per che tuts seigien damaun fits pigl emprem trenament.

Damian

Igl ei puspei schi lunsch. Las valischas ein semtgadas, igl uorden pachetaus e la febra da viadi crescha. Priu cun nus vegn ei sulettamein resti da sport - nus lein gie esser sportivamein activs e vegnir a casa pli fits che avon. La finamira ei pia dada. L'elecziun dil resti veseis gia. Tenuta da viadi ei dada: Nos trainers sponsorai da Cavigelli SA. Tut clar?

Damaun saveis leger dapli! Nus rapportein sco adina regularmein da nies camp da trenament.